Azərbaycan tranzit prosedurlarını sadələşdirmək, sənəd işlərini azaltmaq və sərhədlərindən yükdaşımaların effektivliyini artırmaq üçün tranzit yükdaşımalar sahəsində rəqəmsal haəllər fəal şəkildə tətbiq edir. Rəqəmsal həllərin tətbiqi ölkənin ticarətin asanlaşdırılması və qlobal təchizat zəncirlərinə inteqrasiya üzrə məqsədlərindən irəli gəlir.
Azərbaycanda E-Tranzitin Əsas Xüsusiyyətləri
● Rəqəmsal Gömrük Bəyannamələri
- Azərbaycan Gömrük Komitəsi tranzit mallar üçün bəyannamələrin sadələşdirilməsi məqsədilə rəqəmsal gömrük bəyannamə sistemini tətbiq edir.
- Bu sistem ticarətçilərə mallar sərhədə çatmadan əvvəl tranzit bəyannamələrini onlayn təqdim etməyə imkan verir ki, bu da gecikmələrin qarşısını alır.
● Vahid Tranzit Sistemləri
- Azərbaycan Avropa İttifaqının Yeni Kompüterləşdirilmiş Tranzit Sisteminə (NCTS) uyğun sistemlər tətbiq edir. Bu sistemlər Ümumi Tranzit Konvensiyası çərçivəsində fəaliyyət göstərir.
- Bu yanaşma Azərbaycanın regional və beynəlxalq tranzit şəbəkələrinə qoşulmasını təmin edir və məlumat mübadiləsini asanlaşdırır.
● Beynəlxalq Platformalarla İnteqrasiya
- Azərbaycan TIR karnet prosesini rəqəmsallaşdıran e-TIR sistemində iştirak edir. Bu sistem Transxəzər Beynəlxalq Nəqliyyat Marşrutu (TITR) vasitəsilə tranzit malların real vaxt rejimində izlənməsini təmin edir.
● Elektron Ödənişlər
- E-tranzit sistemi tranzit rüsumlarının və gömrük yığımlarının elektron ödənişini dəstəkləyir ki, bu da şəffaflığı artırır və korrupsiya riskini azaldır.
● İzləmə və Monitorinq
- Tranzit yükləri GPS və elektron möhürlər vasitəsilə izlənilir, bu isə gömrük orqanlarına və ticarətçilərə real vaxt rejimində yenilikləri izləməyi təqdim edir.
Azərbaycan rəqəmsal tranzit sistemlərini tam fəaliyyətə keçirməyi və onların dəmir yolu və dəniz nəqliyyatı daxil olmaqla bütün nəqliyyat növlərində istifadəsini genişləndirməyi hədəfləyir. Ölkənin strategiyası ölkə ərazisindən keçən bütün beynəlxalq nəqliyyat dəhlizləri üzrə logistik mərkəzinə çevrilmək istiqamətində öhdəliyimizi vurğulayır.